શું તમે તમારો પોતાનો બીઝ્નેસ શરુ કરવા માંગો છો ? તો આ જરૂર વાંચો
ભારતમાં કુલ જીડીપી ઉત્પાદના વિવિધ ક્ષેત્રો દીઠ કેટલો હિસ્સો છે એ નીચેના ટેબલથી જોઈએ.
આ જોતા જણાશે કે ભારતમાં સેવા ક્ષેત્રની હિસ્સેદારી ઘણી છે. જેમાં તમામ નોકરિયાત વર્ગ શામેલ છે. અને જે દેશમાં નોકરી કરતા લોકોની સંખ્યા વધારે હોય ત્યાં રોજગારીની તકો ઉભી કાર્ય સિવાય અગત્યનું કઈં નથી. પાછલાં કેટલાક વર્ષોથી ભારતમાં startup culture એ વેગ પકડ્યો છે. નોકરી કરતા લોકો પોતાની નોકરી છોડી અથવાતો એની સાથે સાથે પોતાનો ઉદ્યમ શરુ કરવા પ્રેરાઈ રહ્યા છે. તો બીજી તરફ કેટલાક તરુણાવસ્થા પૂર્ણ કરેલા વિદ્યાર્થીઓ પણ startup culture થી અળગા નથી. ભારત સ્માર્ટ વોચ વિદેશથી આયાત કરે છે. પરંતુ જયારે એક ભારતીય મેનુફેક્ચરીંગ યુનિટ આનું ઉત્પાદન દેશમાંજ શરુ કરે ત્યારે તે દેશના લોકોને જ નોકરી પુરી પાડે છે. ઉપરાંત વિદેશી હૂંડિયામણની બચત કરે છે અને ઉપરથી નિકાસ કરી દેશની આવકમાં વધારો કરે છે. આ માટે ભારત સરકાર તરફથી કેટલીક યોજનાઓ શરુ કરાય છે. આ લેખનો હેતુ એવા સાહસિકો માટે છે જે પ્રોજેક્ટ હોવા છતાં મૂડીની તકલીફ અનુભવતા હોય. અહીં સરકાર શ્રી તરફથી આવા ઉદ્યોગ સાહસિક લોકો માટે ચાલતી તમામ યોજનો અવારવાનો પ્રયાસ કર્યો છે, જેથી જરૂરિયાત અનુભવતા લોકો ને યોગ્ય માહિતી મળી શકે.
પ્રધાનમંત્રી મુદ્રા યોજના (PMMY)
અહીં મુદ્રા યોજનામાં ત્રણ પ્રકારની લોન છે,
શિશુ લોન - પ્રથમ કેટેગરી કે જે અત્યંત નાના વ્યવસાયિક એકમો માટે છે, તેમને રૂ50,000 સુધીની લોન મળી શકે છે.
કિશોર લોન - બીજી કેટેગરી કે જે પ્રમાણમાં થોડા મોટા એકમો છે, તેમને રૂ 50,000 થી 5,00,000 સુધીની લોન મળી શકે છે.
તરુ લોન - ત્રીજી કેટેગરી કે જેમાં રૂ 5 લાખથી લઈને રૂ 10 લાખ સુધીની લોન મળી શકે છે.
યોજનાનો ઉદ્દેશ:
વિક્રેતાઓ, વેપારીઓ, દુકાનદારો અને અન્ય સેવા ક્ષેત્રની પ્રવૃત્તિઓ માટે વ્યવસાયિક લોન આપવી
મુદ્રા કાર્ડ્સ દ્વારા કાર્યકારી મૂડી લોન(working capital loan) આપવી
માઇક્રો યુનિટ્સ માટે ઉપકરણ ખરીદી માટેની લોન આપવી
વાહન લોન આપવી
આ લોન માટેની ઓનલાઇન અરજી ઉદયમિત્ર પોર્ટલ પર કરી શકાય છે. અહીં ક્લિક કરો.
સૂક્ષ્મ અને લઘુ ઉદ્યોગો (સીજીએસ) માટે ક્રેડિટ ગેરંટી ફંડ યોજના(CGS)
સીજીએસ લોન એ સરકાર દ્વારા આપવામાં આવેલી બીજી અનસિકયુરડ વ્યવસાય લોન છે જ્યાં તમારે કોઈ સંપત્તિની ઓફર કરવાની અથવા લોન મેળવવા માટે કોઈપણ મિલ્કતને જામીન તરીકે દર્શાવવની જરૂર નથી. વધુમાં વધુ રૂ. 2 કરોડ ની લોન, માઇક્રો અને સ્મોલ એન્ટરપ્રાઇઝિસ (સીજીટીએમએસઇ) માટે ક્રેડિટ ગેરંટી ફંડ ટ્રસ્ટની ક્રેડિટ ગેરંટી યોજના હેઠળ આવરી શકાય છે.
ચાલુ અને નવા ઉદ્યોગો બંને યોજના હેઠળ આવરી લેવા લાયક છે. ધંધા માટેની આ સરકારી સબસિડી લોનમાં માઇક્રો, લઘુ અને મધ્યમ ઉદ્યોગો માટેના વિકલ્પો પણ છે. આ લોનની રકમના મોટા ભાગની બાંયધરી પૂરી પાડે છે.
વધુ માહિતી માટે અહીં ક્લિક કરો
નેશનલ સ્મોલ બીઝીનેસ સબસીડી સ્કીમ
નાના ઉદ્યોગો માટે નેશનલ સ્મોલ ઇન્ડસ્ટ્રીઝ કોર્પોરેશન (એનએસઆઈસી) ની સબસિડી ત્રણ પ્રકારના આર્થિક લાભો પ્રદાન કરે છે - માર્કેટિંગ સહાયતા, ટેકનોલોજી અપગ્રેડેશન અને કાચા માલની સહાયતા. એનએસઆઈસીની સહાય યોજના હેઠળ કાચો માલ ભારતમાંથી હોવો જોઈએ અથવા જરૂરિયાત મુજબ આયાત કરી શકાય છે, જે આ યોજનાનો મૂળ લાભ છે. 90 દિવસ સુધી કાચો માલ મેળવી શકાય છે. તે વ્યવસાય માટે ખૂબ જ વિશ્વસનીય સરકારી સબસિડી લોન છે.
વધુ માહિતી માટે ક્લિક કરો.
SIDBI MAKE IN INDIA SOFT LOAN FUND FOR MICRO SMALL AND MEDIUM ENTERPRISES (SMILE)
આ સરકારી લોન યોજના ભારત સરકારના ‘મેક ઇન ઈન્ડિયા’ અભિયાનને આગળ ધપાવવા અને ‘sidbi’ પાસેથી લોન લઈને અભિયાનમાં ભાગ લેવામાં મદદ કરવા માટે બનાવાયેલ છે. વ્યવસાય માટે સરકારની આ સબસિડી લોન આપણા સંસાધનોથી ભારતમાં ઉત્પાદનો બનાવીને નાના ઉદ્યોગોને વધારવાનો મૂળ ઉદ્દેશ છે.
મેન્યુફેક્ચરિંગ તેમજ સર્વિસિસ ક્ષેત્રે નવા ઉદ્યોગોને આવરી લેવા પર ભાર મૂકવામાં આવે છે. MSME ની અંદર નાના ઉદ્યોગોને ધિરાણ આપવા પર ભાર મૂકવામાં આવશે. નવી ઉભરતી તકોનો લાભ લેવા હાલના ઉદ્યોગોનું વિસ્તરણ હાથ ધરી શકાય, તેમ જ આધુનિકીકરણ, ટેકનોલોજી અપગ્રેડેશન અથવા તેમના ધંધા ને વધારવા માટેના અન્ય પ્રોજેક્ટ્સ પણ આવરી લેવામાં આવશે.
વધુ માહિતી માટે અહીં ક્લીક કરો.
MSME બજાર વિકાસ સહાય
સ્ટાર્ટઅપ્સ, માઇક્રો, સ્મોલ અને મીડિયમ એન્ટરપ્રાઇઝ (MSME) અને ડિરેક્ટોરેટ ઓફ ઇન્ડસ્ટ્રીઝ / ડિસ્ટ્રિક્ટ ઇન્ડસ્ટ્રીઝ સેન્ટરમાં નોંધાયેલા રિટેલરો આંતરરાષ્ટ્રીય વેપાર મેળાઓ અને પ્રદર્શનો દ્વારા તેમના વ્યવસાયને વિશ્વભરમાં વિસ્તૃત કરવા માટે આ યોજનાનો લાભ લઈ શકે છે.
ડિરેક્ટોરેટ ઇન્ડસ્ટ્રીઝ / ડિસ્ટ્રિક્ટ ઇન્ડસ્ટ્રીઝ સેન્ટરમાં નોંધાયેલ કંપનીઓ સમગ્ર વિશ્વમાં મેળાઓ / પ્રદર્શનોમાં, તેમના સ્ટોલ લગાવવાની કિંમત, હવાઇ ભાડા ઉપર 100 ટકા સુધીની વળતર મેળવી શકે છે. આ યોજનામાં, વિકાસ કમિશનરની કચેરી દ્વારા એક સમયની ફીના 75 ટકા, ઈકોનોમી ક્લાસ હવાઈ ભાડું તથા જગ્યાનું 50 ટકા ભાડું(સ્પેસ રેન્ટ) મેળવી શકે છે.
વધુ માહિતી માટે અહીં ક્લીક કરો.
Venture Capital Scheme for Agri-Business Development
નાના ખેડૂત એગ્રિબિનસનેસ કન્સોર્ટિયમ (એસએફએસી) દ્વારા શરૂ કરાયેલી આ યોજનાનો હેતુ દેશમાં કૃષિ વિકાસને ઉત્તેજન આપવાનું છે, ઉત્પાદકોને બજાર પ્રદાન કરીને અને ખેડુતો અને કૃષિ સ્નાતકોને તેમની ભાગીદારી વધારવા માટે મદદ કરે છે.
વ્યક્તિઓ, ખેડુતો, ઉત્પાદક જૂથો, ભાગીદારી / માલિકીની કંપનીઓ, સ્વ-સહાય જૂથ, એગ્રિપ્રિનર્સ(ખેતી ને લગતા ઉદ્યોગો સાથે જોડાયેલા) આ યોજના માટે પાત્ર છે.
સૂચિત કૃષિ વ્યવસાય પ્રોજેક્ટની કિંમત રૂ. 50 લાખ કે તેથી વધુ.
વધુ માહિતી માટે અહીં ક્લીક કરો.
સ્વ રોજગાર ધિરાણ યોજનાઓ ક્રેડિટ લાઇન 2 - માઇક્રો ફાઇનાન્સિંગ યોજના
રાષ્ટ્રીય લઘુમતી વિકાસ અને નાણાકીય નિગમ (એનએમડીએફસી) યોજના લાભાર્થીઓને લોન પ્રદાન કરે છે. ફક્ત એનજીઓ અને સ્વ-સહાય જૂથો (એસએચજી) અરજી કરવા માટે પાત્ર છે.
નિમ્ન આર્થિક પૃષ્ઠભૂમિના વ્યક્તિઓ અને લઘુમતી મહિલાઓને પ્રાધાન્ય આપવામાં આવે છે. અરજદારો એવા પરિવાર સાથે જોડાયેલા હોવા જોઈએ જેની વાર્ષિક આવક રૂ. 6 લાખ હોય.
વધુ માહિતી માટે અહીં ક્લીક કરો.
Capital Investment Subsidy Scheme under National Bamboo Mission
ઉદ્દેશો
ક્ષેત્ર આધારિત વૈવિધ્યપૂર્ણ વ્યૂહરચના તરીકે વાંસ ક્ષેત્રના વિકાસને પ્રોત્સાહન આપવું।
સંભવિત વિસ્તારોમાં વાંસનો વિસ્તાર વધારવા માટે તથા સુધારેલી જાતો સાથે ઉપજ વધારવા માટે;
વાંસ અને વાંસ આધારિત હસ્તકલાઓના માર્કેટિંગને પ્રોત્સાહન આપવા;
વાંસના વિકાસ માટે સ્ટેક હોલ્ડર્સ વચ્ચે કન્વર્ઝન અને સુમેળ સ્થાપિત કરવા;
પરંપરાગત અને આધુનિક પદ્ધતિના સીમલેસ મિશ્રણ દ્વારા ટેકનોલોજીનો વિકાસ અને પ્રસાર કરવો.
કુશળ અને અકુશળ વ્યક્તિઓ, ખાસ કરીને બેરોજગાર યુવાનો માટે રોજગારની તકો ઉભી કરવા.
મિશન મર્યાદિત રાજ્યોમાં વાંસના વિકાસ પર ધ્યાન કેન્દ્રિત કરશે જ્યાં તેનો સામાજિક, વ્યાપારી અને આર્થિક લાભ હોય. રાજ્યો જેવા કે મધ્ય પ્રદેશ, મહારાષ્ટ્ર, ગુજરાત, છત્તિસગઢ, ઓડિશા, કર્ણાટક, ઉત્તરાખંડ, બિહાર, ઝારખંડ આંધ્ર પ્રદેશ વિગેરે.
વધુ માહિતી માટે અહીં ક્લીક કરો.
મત્સ્ય-ઉદ્યોગ- NFDB Schemes & Blue Revolution - Inland Fisheries Schemes
ભારતની કુલ વસ્તીના 60 થી 70 ટકા લોકો મત્સ્ય પેદાશોનું સેવન કરે છે. જેનાથી અંદાજો આવશે કે આ ક્ષેત્રમાં કેટલી શકયતા રહેલી છે.
ભારત સરકાર આ માટે બ્લુ રેવોલ્યૂશન નામની સ્કીમ ચલાવે છે. જે અંતર્ગત સબસીડી મળવા પાત્ર છે.
વધુ માહિતી માટે અહીં ક્લીક કરો. લિન્ક 1; લિન્ક 2
ડેરી ઉદ્યોગ - Dairy Entrepreneurship Development Scheme
ઉદ્દેશ
સ્વચ્છ દૂધના ઉત્પાદન માટે આધુનિક ડેરી ફાર્મ સ્થાપવા પ્રોત્સાહન આપવું
વાછરડાનો ઉછેર કરવા માટે પ્રોત્સાહિત કરવા, ત્યાં સારા સંવર્ધન સ્ટોકનું સંરક્ષણ કરવું
અસંગઠિત ક્ષેત્રમાં માળખાકીય પરિવર્તન લાવવા જેથી દૂધની પ્રારંભિક પ્રક્રિયા ગ્રામ્ય સ્તરે જ થઈ શકે
વ્યવસાયિક ધોરણે દૂધ ઉત્પાદન કરવા, ગુણવત્તા અને પરંપરાગત તકનીકને અપગ્રેડ કરવા
સ્વ-રોજગાર પેદા કરવા અને મુખ્યત્વે અસંગઠિત ક્ષેત્ર માટે માળખાગત સુવિધા પૂરી પાડવા
ખેડુતો, વ્યક્તિગત ઉદ્યમીઓ, એનજીઓ, કંપનીઓ, સંગઠિત અને અસંગઠિત ક્ષેત્રોના જૂથો, વગેરે. સંગઠિત ક્ષેત્રના જૂથોમાં સ્વ-સહાય જૂથો (એસએચજી), ડેરી સહકારી મંડળીઓ, દૂધ સંઘો, વગેરેનો સમાવેશ થાય છે.
કોઈ વ્યક્તિ યોજના હેઠળના બધા ઘટકો માટે સહાય મેળવવા માટે પાત્ર બનશે, પરંતુ દરેક ઘટક માટે ફક્ત એક જ વાર.
વધુ માહિતી માટે ક્લીક કરો. લિન્ક 1 ; લિન્ક 2
મહિલા ઉદ્યોગ સાહસિકો માટે શું છે ?
The Women Entrepreneurship Platform (WEP)
નીતિ આયોગ દ્વારા શરૂ કરાયેલ, ડબ્લ્યુઇપી ભારતભરના હાલના અને ઉભરતા મહિલા ઉદ્યમીઓ માટે છે.
તે ત્રણ પાસાઓમાં વહેંચાયેલું છે:
ઇચ્છા શક્તિ: મહિલા ઉદ્યમીઓને તેમના વ્યવસાય શરૂ કરવા માટે પ્રોત્સાહિત કરે છે
જ્ઞાન શક્તિ: નોલેજ અને ઇકોસિસ્ટમ પ્રદાન કરે છે
કર્મ શક્તિ: વ્યવસાય સ્થાપવા અથવા સ્કેલ અપ કરવા માટે ઉદ્યમીઓને સહાય પૂરી પાડે છે
આઈડીએશન(વિચાર તબક્કો) તબક્કે કે શરુ થઇ ચુકેલી યોજનાઓ માટે મહિલાઓ નોંધણી કરાવી શકે છે. કોર્પોરેટ, એનજીઓ, સંગઠન, ઇન્ક્યુબેટર્સ પણ અરજી કરી શકે છે, જો તેઓ કોઈ પણ સ્વરૂપમાં મહિલાઓને સમર્થન આપી રહ્યા હોય.
WEP મહિલાઓ દ્વારા સ્થપાયેલ અથવા સહ-સ્થપાયેલ(કો ફોઉન્ડેડ) સ્ટાર્ટઅપ્સ માં ઇન્ક્યુબેશન પ્રદાન કરે છે.
વધુ માહિતી માટે અહીં ક્લીક કરો.
અનુસૂચિત જાતિ માટે- VENTURE CAPITAL FUND FOR SCHEDULED CASTES
સ્ટાર્ટ અપ્સ સહિતના મેન્યુફેક્ચરિંગ અને સર્વિસિસ સેક્ટરમાં સ્થાપિત પ્રોજેક્ટ્સને ફંડની ખાતરી આપે છે.
ભંડોળ અંતર્ગત સહાય થયેલ લાભાર્થીઓમાં 30 ટકા પ્રાધાન્ય મહિલા અને / અથવા અપંગ એસસી ઉદ્યોગસાહસિકો હોવા જોઈએ, જેમાં તેમનું કંપનીમાં ઓછામાં ઓછું શેરહોલ્ડિંગ 51% હોવું જોઈએ.
વધુ માહિતી માટે અહીં ક્લીક કરો.
કોમન સર્વિસ સેન્ટર(CSC)
સીએસસી એ રાષ્ટ્રીય ઇ-ગવર્નન્સ પ્લાન (નેજીપી) નું એક અત્યંત મહત્વનું અંગ છે, જેને મોટા પાયે ઇ-ગવર્નન્સ રજૂ કરવાના રાષ્ટ્રીય સામાન્ય લઘુતમ કાર્યક્રમમાં તેની પ્રતિબદ્ધતાના ભાગ રૂપે, મે 2006 માં સરકારે મંજૂરી આપી હતી.
ઇ-ગવર્નન્સ સર્વિસીસ ઈન્ડિયા લિમિટેડ ડિજિટલ સેવા પોર્ટલ દ્વારા વિવિધ સરકારી સેવાઓ પ્રદાન કરે છે. જે વ્યક્તિ આ પોર્ટલને એકસેસ કરી શકે તે VLE (વિલેજ લેવલ એન્ટ્રેપ્રેન્યોર ) છે. VLE ડિજિટલ સેવા પોર્ટલ વિવિધ સેવાઓ જેવી કે, બેંકિંગ, શિક્ષણ, આરોગ્ય, વીમા સેવાઓ એકસેસ શકે છે.
સીએસસી ડિજિટલ સેવા પોર્ટલ સ્થાનિક વસ્તીને વિવિધ સરકારી વિભાગો, બેંકો, વીમા કંપનીઓ અને સીએસસી સેન્ટરનો ઉપયોગ કરીને ખાનગી સેવા ક્ષેત્રો દ્વારા પૂરી પાડવામાં આવતી વિવિધ સેવાઓ સાથે જોડે છે.
રિશી સુરતી , બ્લોગર, ડિજિટલ માર્કેટર, SEO એક્સપર્ટ, કોર્પોરેટ કન્ટેન્ટ
અહીં, હું મારી માતૃભાષામાં મારા વિચારો રજુ કરું છું. સેલ્ફ હેલ્પ, પ્રેરણાત્મક, જીવનચરિત્ર, સામાજિક, ઇતિહાસ, ટેક્નોલોજી, કરંટ અફેર્સ વિગેરે મારા ગમતા વિષયો છે.
